單單一張Menu都令我嘅選擇困難症發作啦🙄咁多款burger，又有咁多款小食！我個人比較喜歡食牛，最終揀咗和牛漢堡，另加廿蚊多咗一份炸薯條同一罐汽水😁
和牛漢堡👉🏻脆口麵包加一塊足足有2cm厚嘅和牛漢堡扒，加上一層濃厚芝士，灑上脆洋蔥絲，好豐富🤩
呢個包竟然有一層我唔係好食嘅芽菜苗，至怕啲草青味，但我見到鋪得好滿！算啦！我食啦！唔好嘥！一啖咬落個包，嘩！估唔到出奇哋好食，啲肉汁咇哂出嚟，勁juicy!!
我更加估唔到我食唔出芽菜苗嘅草青味，可能係漢堡扒同芝士嘅味蓋過哂啲草青味，夾住爽脆口感!唔錯唔錯！我欣賞你👍🏻
炸薯條👉🏻每條都係厚切薯條，炸到金黃色！不過我覺得鹹咗小小，如果啲鹽少啲就好啦😁口感真係唔錯！
雖然地方細細，但坐得好舒服！我食食吓先發覺有透明膠手套，勁傻仔囉😂攪到成手都係肉汁
💛繼續支持本土小店🙌🏻
