意粉屋 (雅蘭中心)

Open Now

Now Closed

因為鐘意食龍蝦，門口放左張龍蝦menu，眼見隔離Ｄ餐廳都好多人排隊，一陣又要趕下場，見呢度有枱，就呢間啦，唔洗急最緊要快。雖然已經幾年都無食過，但印象裡中學/大學時代都「ＯＫ」架喎，點知中晒伏。講到明係見到龍蝦menu先入黎，餐前湯就一定會叫埋龍蝦湯啦，$68，一入口已經飲得出味，嘩好咸呀！但都隱約有蝦味，基於餐飯只係啱啱先開始，我地都好講道理，唔會一開波就小嘅～薯條已經淋晒，仲要用肉醬意粉醬呢下，完全唔知咩食法，乜咁樣食好match咩真係？🤔黎到pizza，我只可以講，可能意粉屋整意粉先叻。Risotto嘅飯底偏硬身，同餐前湯係同一樣野，好有誠意咁攞黎做sauce，但飯汁分離唔入味。呢個moment我夠膽講句，已經黎到成餐飯嘅高潮，絕對稱得上係無敵咸。最後只係食左龍蝦肉就宣布放棄。唔知廚師係咪輸左波，抑或失戀，味蕾好有偏差呀！埋單每人三百幾，響旺角大把其他選擇，不過都係自己貪唔洗排隊在先，呢個伏抵中喇。