前菜—多春魚及沙甸魚伴鯷魚醬
三種魚撈埋，魚味濃郁10分適合喺正餐請提一提胃，有青瓜等蔬果可以點呢個魚味濃郁嘅醬食，作為前菜簡直一流！
龍蝦活刺身同埋兜甲羅
呢度龍蝦菜非常特別，一味兩食！首先係龍蝦刺身！
龍蝦刺身擺盤精緻，睇得出師傅嘅用心。龍蝦肉每件晶瑩剔透，口感爽滑彈牙，味道非常鮮甜。品賞完龍蝦刺身後，師傅會收回龍蝦殼，佢為我哋準備第二度嘅龍蝦主食—兜甲羅。燒兜甲羅有龍蝦肉同埋龍蝦膏，可以用餅乾點嚟食，龍蝦膏味非常濃郁，可謂此齒頰留香。
原隻活帆立貝燒配黑松露牛油
原隻帆立貝非常新鮮，最令我估唔到就係黑松露牛油竟然能夠同帆立貝咁匹配，兩者平衡得宜，不會搶了大家味道，更能保留帆立貝嘅鮮味！
松葉蟹腳燒
師傅幫我哋剪開晒蟹殼，食落非常方便，蟹肉結實鮮甜美味，值得推薦。
松葉蟹肉壽司
從業蟹肉壽司上面伴有蟹膏醬， 蟹肉鮮甜美味之餘，有蟹膏額外突出蟹嘅鮮味，唔需要點任何豉油就已經口腔裏有一股濃郁蟹味，非常特別。
