Video
Read full review
2018-03-10
464 views
行街個陣唔覺，買完嘢先聽到個肚餓到咕咕聲，見到無印入面有間餐廳(好似ikea咁)又唔多人唔洗等又未試過於是就去試下伏唔伏。佢係有分幾品幾品揀(姐係幾餸飯😂)，有規定你幾品飯就要幾冷盤幾主菜。例如：五品飯揀三個主菜兩個冷盤（最唔鍾意呢個規定），佢啲冷盤睇起黎麻麻，因為三品飯可以溝亂嚟揀，所以揀咗三品。啲餸係好少，影俾朋友睇啲朋友仲問我係咪人哋食剩嘅，我發誓我掂都未掂😩飯係糙米飯當然你可以揀返普通白飯，送一碗麵鼓湯(好清淡)，雞肉超嫩又多汁好好食，咖喱薯餅入邊嘅咖喱好濃郁，但係外面唔夠脆一夾就散，牛奶薯蓉並唔係薯蓉係一片片搭埋一齊好似千層麵咁，但冇乜味仲要係凍嘅，呢個最唔好食，最後埋單95蚊。都叫頂到下個肚既，但下次唔會再嚟。🤢Btw食完記得自己收拾乾淨放返係回收架度，
佢係有分幾品幾品揀(姐係幾餸飯😂)，有規定你幾品飯就要幾冷盤幾主菜。例如：五品飯揀三個主菜兩個冷盤（最唔鍾意呢個規定），佢啲冷盤睇起黎麻麻，因為三品飯可以溝亂嚟揀，所以揀咗三品。
啲餸係好少，影俾朋友睇啲朋友仲問我係咪人哋食剩嘅，我發誓我掂都未掂😩
飯係糙米飯當然你可以揀返普通白飯，送一碗麵鼓湯(好清淡)，雞肉超嫩又多汁好好食，咖喱薯餅入邊嘅咖喱好濃郁，但係外面唔夠脆一夾就散，牛奶薯蓉並唔係薯蓉係一片片搭埋一齊好似千層麵咁，但冇乜味仲要係凍嘅，呢個最唔好食，最後埋單95蚊。都叫頂到下個肚既，但下次唔會再嚟。🤢
Btw食完記得自己收拾乾淨放返係回收架度，
三品飯(自選菜色)
$95
37 views
0 likes
0 comments
Post
