Video
Read full review
2019-02-04
319 views
主力Sell用柞木炭火既一家韓燒餐廳，無乜油煙味，仲用1++韓牛，同埋超少見既牛眼上蓋肉，感謝餐廳邀請，可以率先試下佢黎緊情人節推出既套餐！環境位於上年先開幕既T.O.P.商場入面，旁邊就係露天廣場，幾有氣氛，內裡都好大，座位寬敞，用上柞木炭火配合網燒，全場真係冇乜油煙，唔洗擔心會污煙瘴氣同食到成身油煙味。餐牌主要以散叫為主，由於所提供既肉質都比較高質，價錢中位數水平，但選擇都不少，唔係只得牛肉提供，今次試食佢黎緊會岀既情人節套餐，$792/2人，其實相對抵食好多。會提供圍裙真材實料使用柞木炭免費前菜正宗韓國菜又點少得前菜？有數款前菜，無限refill，最正係有原棵泡菜，中意食幾多就剪幾多，仲要味道十分好，以甜味為主，帶少許微辣，食哂成盅！情人節套餐 $792 (供應日期：13-15/2)包括：桂花蕃茄蜜沙律、主廚嚴選八爪魚、傳統貝殼湯、仁川活鰻魚、原隻韓國魷魚、極上 1++韓牛三部位、情比金堅牛舌、柞木韓牛飯和韓式糖餡餅。桂花蕃茄蜜沙律沙律帶甜甜地既桂花蜜糖味，好開胃，作為前菜不錯。主廚嚴選八爪魚屬熱盤，就咁食唔需要燒，好煙韌彈牙又入味。傳統貝殼湯即蜆湯，亦有青口，以胡椒作主要調味
環境
位於上年先開幕既T.O.P.商場入面，旁邊就係露天廣場，幾有氣氛，內裡都好大，座位寬敞，用上柞木炭火配合網燒，全場真係冇乜油煙，唔洗擔心會污煙瘴氣同食到成身油煙味。
餐牌
主要以散叫為主，由於所提供既肉質都比較高質，價錢中位數水平，但選擇都不少，唔係只得牛肉提供，今次試食佢黎緊會岀既情人節套餐，$792/2人，其實相對抵食好多。
會提供圍裙
真材實料使用柞木炭
免費前菜
任吃泡菜
13 views
0 likes
0 comments
正宗韓國菜又點少得前菜？有數款前菜，無限refill，最正係有原棵泡菜，中意食幾多就剪幾多，仲要味道十分好，以甜味為主，帶少許微辣，食哂成盅！
情人節套餐 $792 (供應日期：13-15/2)
包括：桂花蕃茄蜜沙律、主廚嚴選八爪魚、傳統貝殼湯、仁川活鰻魚、原隻韓國魷魚、極上 1++韓牛三部位、情比金堅牛舌、柞木韓牛飯和韓式糖餡餅。
桂花蕃茄蜜沙律
桂花蕃茄蜜沙律
16 views
0 likes
0 comments
沙律帶甜甜地既桂花蜜糖味，好開胃，作為前菜不錯。
主廚嚴選八爪魚
屬熱盤，就咁食唔需要燒，好煙韌彈牙又入味。
傳統貝殼湯
即蜆湯，亦有青口，以胡椒作主要調味，飲落重胡椒味，海鮮味不岀，較清。
仁川活鰻魚
由於較難燒得好，鰻魚會有店員幫你燒，燒完再搽上蒲燒汁， 食落肉質嫰滑不油膩，但鰻魚皮好易燒焦，難免影響口感。
原隻韓國魷魚
魷魚原條上，有醃制過，食落咸咸地，唔洗點燒汁醬都夠味，燒耐啲可以收乾啲水，如果燒到面頭焦脆，有啲似街頭燒魷魚！
極上1++韓牛三部位
極上1++韓牛三部位
17 views
0 likes
0 comments
極上1++韓牛三部位
24 views
0 likes
0 comments
有牛眼上蓋肉、牛胸肉、牛肩。牛眼上蓋肉，店內招牌，比較厚身少少，肉質超級嫩滑，容易較開，融化係口中！牛胸肉、牛肩，燒一邊時面頭滲血水就可反面，再燒5-10秒食到，由於牛味都好濃郁，食落仲有肉汁，唔洗點醬已經好夠味，牛肉類都好高質，果然係1++。
情比金堅牛舌
牛舌有別於韓牛三部位既燒法，要燒全熟先好食。有啲金箔係面，屬厚切，咬落有質感，牛舌好易煮得韌，呢款真係完全唔韌，好易咬開。
柞木韓牛飯
情人節set係每人一碗，有隻生蛋係上面，攪匀再食，係一碗涼拌飯，碎牛肉同蒽既份量為各一半，蛋同蒽味道太強，蓋過左牛味同牛香，亦因爲牛肉碎太細冇乜口感，建議牛肉份量多啲同原塊上，蒽少啲，口感同味道會更突岀。
韓式糖餡餅
韓式糖餡餅
30 views
0 likes
0 comments
甜品係一碟韓式糖餡餅，令我懷念以前係韓國既回憶，因為呢個係韓國街頭小吃必有，以前都成日買黎食，面頭大量花生碎，內裡亦有，面頭淋上大量黃糖，口感煙煙韌韌，但又有花生碎既香口，好岩我口味，但由於用上大量糖制成，韓式糖餡餅本身口味就偏甜，非嗜甜者可能未必岩你。
一頭黑毛豬拼盤 $278
一頭黑毛豬拼盤
$278
15 views
0 likes
0 comments
豬腸
19 views
0 likes
0 comments
另外仲試左“一頭黑毛豬拼盤$278”，呢個套餐冇，係額外點，包括左豬肩肉、豬五花、豬皮及豬腸。識食緊係要食韓國濟州既黑毛豬，唔會有豬腥味，特別推薦豬皮及豬腸，呢兩樣我平時真係好少食，因為完全冇乜興趣，但呢到既豬皮做得好彈牙，好似食年糕咁，唔覺似食一pat肥膏口感，至於豬腸因為有處理同醃製過，平時豬腸一大股既内臟腥味，呢到冇左，當然都有保留豬腸特突既味道，但食落係甜甜地，頓時令人容易接受豬腸。
檸檬柚子梳打、魔法梳打、柑橘梳打 各$36
最特別係魔法梳打，用蝶豆花整成，倒入檸檬汁就會有漸變色，飲品就較一般，味道偏淡。
情人節向來都係洗錢既季節，就算唔買禮物，食餐飯都一定要，食高級西餐冇$1000一定埋唔到單，但今次柞木炭家推岀既套餐$792，每人大約$400，價錢合理，仲食到1++評級既韓牛，加上唔洗食韓燒食到成身有味咁尷尬，仲有不限時，可以慢慢同呢一半食，情人節黎真係唔錯既選擇。
Post
