好耐冇見到你間餐廳紅噹噹裝修，覺得一定食辣嘢應該唔錯😂
餐廳出邊都擺咗banner推介雞煲放題，我哋就俾佢吸咗入去啦
但係我哋入到去發現仲有其他嘢食吸引，我哋叫咗烤魚放題！
我哋揀咗香麻辣烤魚！
佢係半煎炸咗，望落去脆卜卜！
等烤魚滾嘅時候真係好難捱，因為一路滾啲香氣就一路飄上嚟😂
呢間嘅烤魚，一嚟到就放咗好多配料喺度
有金菇，豆腐皮，萵筍，蓮藕同埋鴨血！
啲鴨血超入味！
金菇索晒啲麻辣汁，超正！
魚肉熟既程度嘅啱啱好！唔會係一早已經炸炸熟晒！
食完烤魚係可以放題食火鍋配料！
以為應該係會揸流攤，點知啲蔬菜係好新鮮，同埋牛柏葉係爽既！
肥牛嘅質素都好好！
仲要呢度係有得食一杯Häagen-Dazs雪糕！飲品任飲！
覺得呢間非常抵食
