3rd Space

佔盡地利嘅上班族又趁lunch time去3rd Space，呢間良心小店介乎西營盤同上環之間，純白色嘅牆身漆上壁畫，相當易認，順帶一提佢地係蟲二嘅姊妹店，港島人想食麻糬班戟的話唔駛過海呀。今次坐最入嘅二人枱，先至發現餐廳有個小小嘅戶外吸煙/用餐區，以日本藝妓為主題，裝飾得幾雅緻，不過烈日當空都係留喺室內啦。餐廳pet-friendly，臨走見到隻可愛嘅柴犬，有寵物可以帶埋佢地黎呀。(w/ 10% service charge)

🍽24小時浸煮鮮豚肉角煮慢煮蛋穀米茶漬飯 24-hour Braised Pork Belly Sous Vide Egg Multigrain Rice Bowl ($120)
見門口塊黑板寫咗呢款就試試佢，托盤附上簡單食用說明，先將茶漬鰹魚湯湯倒進碗內，再伴勻半熟蛋就可以食。豚肉角薄切，浸煮一日後再煎香，做到邊皮脆，肉質軟腍，帶燒汁嘅味道。茶漬鰹魚湯調味剛好，泡飯食亦無飽滯咁，撈埋蛋汁更滋味，朋友最後飲晒啲湯添。

24小時浸煮鮮豚肉角煮慢煮蛋穀米茶漬飯

$120

24小時浸煮鮮豚肉角煮慢煮蛋穀米茶漬飯

$120

🍽招牌燒海鹽忌廉麻糬班戟 Signature Mochi Pancakes ($85)
班戟有藍莓、黑朱古力、花生煉乳醬等七隻味，上次食左伯爵茶，見隔離枱食黑芝麻味都好吸引，但愛茶之人最後都係揀左日本宇治抹茶。班戟係厚實型，抹茶澀味濃，怕苦的話可以同北海道牛奶雪糕及海鹽忌廉醬一齊食中和返，要讚下海鹽忌廉醬甜度比上次減輕左，食落無咁膩。切開班戟後有一塊煙韌嘅厚麻糬，另配穀物脆脆同水果粒，食完非常滿足。

招牌燒海鹽忌廉麻糬班戟

$85

招牌燒海鹽忌廉麻糬班戟

$85

🍵宇治抹茶豆乳拿鐵配北海道牛奶雪糕 Iced Matcha Soymilk Latte ($48)
店員建議食一啖雪糕後攪勻飲，抹茶味比想像中濃郁，順喉有回甘，比起牛奶我覺得同豆乳更夾。

宇治抹茶豆乳拿鐵配北海道牛奶雪糕

$48

☕️皇室伯爵茶黑朱古力 Earl Grey Dark Chocolate ($48)
淨係呢個拉花已經值回票價，黑朱古力濃但無蓋過伯爵茶香，兩隻味平衡得宜。

皇室伯爵茶黑朱古力

$48

餐牌：