炯記燒味

Open Now

Now Closed

今日第二次光顧炯記, 食返上一次冇食到嘅鵝油撈麵, 同朋友上次話一定要食. 呢度仲有啲二人同埋四人餐會比較抵吃. 今次就叫到. 我同朋友二人今次要咗燒鵝鵝油撈麵 (加15蚊轉咗胸肉), 四寶鵝油撈麵, 一杯阿華田特飲, 同埋鹽焗手撕雞小食. 首先個撈麵沒有失望, 陣陣油香, 再配搭醬油粗麵, 我一個人吃不完, 燒鵝同埋四寶另外分碟上, 唔會撈埋一齊, 四寶就有包括豬腳,紅腸,雞絲, 叉燒, 無論份量及味度都不錯. 至於燒鵝可以加錢要求指定部位(胸肉或脾肉), 鵝肉肉質鮮嫩, 外皮鬆脆. 鹽焗雞絲都幾好食. 至於唯一美中不足就係杯華田特飲, 雖然佢面頭加咗我好鍾意嘅脆脆, 但係我就覺得有啲細杯唔多夠