提一提大家，一定一定要訂位先好黎！因為個場真係好full ～
一坐低，侍應好快就會遞上一碗花膠雞湯同埋每人一碟花菇鮑魚。
花膠雞湯非常清甜，花膠炆得好夠林！
花菇和鮑魚亦非常入味，但又不會太鹹！
之後就可以去自助小食區去拎熟食，或者可以排隊拎片皮鴨。
當然要先介紹主角片皮鴨啦！片皮鴨可以無限encore，每人可以拎4分、油份十足！配上薄薄既餅皮、香蔥、哈密瓜、醬汁，味道好豐富！我地食左三轉！好彩嘅話有時會有鴨脾食添！
唔好睇小中式自助餐，餐廳選擇好多，但係質素真係有返咁上下。
咕嚕肉酸甜剛好，炸皮不會太厚～
乾炒四季豆鑊氣十足，味道微辣。
不知道餐廳係咪有川菜師傅，餐廳有唔少四川菜式，最愛土豆絲！爽辣惹味！
豆苗炒得好好食！唔會太老！
餐廳仲有好多即製點心
小籠包皮薄，充滿肉汁
甜品方面桂花丸子同薑茶丸子亦很出色！特別鍾意前者，因為真係酒香味十足！
高力豆沙亦很有驚喜！一口份量，唔會有飽滯感～
餐廳食物款式多，而每一樣嘅質素都manage 到！想大飽口福嘅話不妨試試!
