本身今日想去尖沙咀試食頑固壽司，但6:30pm去到都quota滿左食唔到。
同男友兩個人諗諗下想食pizza就再黎試下。
我估唔到星期二都幾full, 我上次黎都冇咁多人，得返bar table，但我地決定等返正常檯，好彩等左十五分鐘就有人走。，用餐時間係90分鐘。
因為得兩個人，食唔到幾多野，結果就叫左一個9寸pizza同半份炸雞。
Pizza叫左韓式海陸。
炸雞就叫左首爾醬油咖哩粉炸雞 。
Pizza好足料，我幾鍾意個餅底，輕輕有綠茶味，同埋厚薄岩岩好，脆卜卜。我地冇走辣，有輕微辣，不過係岩岩好，個人認為走左辣個味道會偏甜。上面有蝦，有牛肉。蝦肉都爽口嘅，牛肉知啲位就比較出色，食落好juicy, 有牛味， cheese都做到拉絲效果。
至於炸雞，一開始我食左個雞髀，得咖哩粉就覺得好普通啫....夾起左兩件之後發現個盤底有醬汁，點返黎食先發現係精髓所在😂😂😂😂 成件事生色不少😋😋😋
兩個人食晒所有野，埋單連加一大概$300，以尖沙咀嘅地段同食物質素，我就覺得算係咁架喇。不過的確係一大班人食先可以食嗌多啲款，食多啲野。
1
