108
13
1
Level4
-------📍為咗早餐你會去到幾盡? -- 裕興三文治❤話說小編已經bookmark咗呢間裕興三文治好耐😳 可惜前排老闆因為身體不適而暫停營業😭前排聽到佢終於開返就決定要去朝聖!!好好彩搵到@hungrypiggiess 陪我去❤食呢個三文治真係要幾有決心😂事關真係要好早起身🙈當日我地兩個約左7:30喺中環站等🙈(小編自從升咗大學之後都好耐未試過六點幾就起身😂) 我地7:45去到鋪頭 已經見到有幾枱食客坐喺度等緊啦😳過咗陣都已經坐滿晒 所以真係要早啲去!食物方面就緊係叫咗招牌啦!❤睇下面介紹啦❤-------⭐咸牛肉炒蛋椰菜花生醬三文治餐($40)呢個招牌三文治真係一試難忘❤❤麵包烘過 好香脆😳內餡嘅咸牛肉份量超多 充滿咸香 仲多到一路食一跌出黎😂花生醬非常香濃 我呢個花生醬控表示滿足!三文治入面夾咗椰菜可以中和一下花生醬嘅膩🙈但炒蛋比較薄身 蛋香味唔算好出🙈🙈但整體非常正❤❤-------⭐五香肉丁炒蛋拼椰菜花生醬加芝士三文治餐($45)聽唔少人講過五香肉丁都好正~我@hungrypiggies 當然試埋啦!❤仲加埋芝士 邪惡到一個點😭一拎上檯 就見到啲餡就好似瀑布咁流曬落嚟😂睇見
Read full review
-------
📍為咗早餐你會去到幾盡? -- 裕興三文治❤
話說小編已經bookmark咗呢間裕興三文治好耐😳 可惜前排老闆因為身體不適而暫停營業😭前排聽到佢終於開返就決定要去朝聖!!好好彩搵到@hungrypiggiess 陪我去❤食呢個三文治真係要幾有決心😂事關真係要好早起身🙈當日我地兩個約左7:30喺中環站等🙈(小編自從升咗大學之後都好耐未試過六點幾就起身😂) 我地7:45去到鋪頭 已經見到有幾枱食客坐喺度等緊啦😳過咗陣都已經坐滿晒 所以真係要早啲去!食物方面就緊係叫咗招牌啦!❤睇下面介紹啦❤
-------
⭐咸牛肉炒蛋椰菜花生醬三文治餐($40)
呢個招牌三文治真係一試難忘❤❤麵包烘過 好香脆😳內餡嘅咸牛肉份量超多 充滿咸香 仲多到一路食一跌出黎😂花生醬非常香濃 我呢個花生醬控表示滿足!三文治入面夾咗椰菜可以中和一下花生醬嘅膩🙈但炒蛋比較薄身 蛋香味唔算好出🙈🙈但整體非常正❤❤
-------
⭐五香肉丁炒蛋拼椰菜花生醬加芝士三文治餐($45)
聽唔少人講過五香肉丁都好正~我@hungrypiggies 當然試埋啦!❤仲加埋芝士 邪惡到一個點😭一拎上檯 就見到啲餡就好似瀑布咁流曬落嚟😂睇見到流晒口水🙈小編覺得呢個比咸牛肉更濃味 啱晒重口味嘅朋友仔😂五香肉丁帶少少微辣 花生醬濃滑 再加埋半溶嘅芝士一齊食 三種味道嘅交融非常match❤❤不過由於五香肉丁嘅味道比較濃所以都蓋過咗炒蛋嘅味🙈唔係好食得出🙈另外因為肉丁比咸牛肉濕 所以令包體略為變稔咗冇咁脆🙈但整體都係非常讚的!!❤
-------
整體黎講真係好值得試😭 由於食物由老闆一個人自己做 即叫即整 所以想去嘅朋友仔記住早啲起身啦!😂當日我哋7:45去到 等咗半個鐘就有得食啦見到遲少少嚟嘅人已經要等一個鐘或以上先有得食🙊另外老闆娘真係超好 好有禮貌 好有媽媽嘅感覺😭見我地食到手污糟晒就話可以去洗手🙈熱檸水攤凍咗又會問洗唔洗幫我地再加啲滾水😭真係太貼心啦❤ 咁有人情味嘅小店快啲去支持下啦❤但記住要留 更新最新嘅營業時間呀😍
--------
價錢:$40-$45
-------
評分(10分滿分)
賣相:8
味道:9
性價比:9
回頭率:8
-------
店鋪資料
名稱:裕興咖啡
地址:中環士丹利街82號舖
前往方法:香港站C出口
279 views
1 likes
0 comments
212 views
2 likes
0 comments
140 views
0 likes
0 comments
199 views
2 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2019-11-28
Waiting Time
15 Minutes (Dine In)
Spending Per Head
$43