鮮肉小籠包 $36
佢做的小籠包皮，真係可以算是皮薄饀靚。皮好有彈性，內𥚃雖然多汁但唔會容易穿。水準仍然 keep 到，實屬難得。三十六蚊有4隻，抵食的，大推。
涼伴雞絲粉皮 $42
小食來講真係算勁大碟，粉皮好正有彈性，滑嘟嘟又夠 Q ，第一次食到呢種口感。麻醬夠多又好香好濃，不過就蓋過了雞絲味道。
糖醋魚塊 $75
大大塊的糖醋魚塊，酸酸甜甜幾開胃。
魚塊炸過表層都幾鬆化，冇雪味冇腥味。
俗氣擔擔麵$45
花生醬很濃的擔擔麵，香而不辣。超大碗，兩個人 share 都食唔曬。麵底幾靚，幼細而有彈性。不過最好叫餐廳幫忙剪麵，我地忘記了，太長有D難夾。
奶油津白 $55
又係大碟夾抵食之選，感覺有少少似西式的白汁焗菜，好香奶油味。
每條津白都 carry 左好多汁，好味呀！
雪山高力豆沙 $38
另一主角，為佢而來，果然不負眾望。
外層佈滿雪山糖霜粉，棉花糖般的高力豆沙皮真係做得特別好味。豆沙饀其實唔會太多，亦唔係甜，好啱我。價錢平，新鮮即做又熱辣辣，亦係必食項目。
沒有加一，食到好飽二人埋單都唔使三百，高 CP 呀！
