男朋友話帶我去食的特色小食
， 咁岩我都開始肚仔餓。
男朋友帶我街道中左穿右插， 終於黎到目的地。下雨天熊熊烈火既門面…Let's get hot
開放式廚房睇到店員努力燒一串串既串燒。整齊而且清潔…
四大片既豬頸肉好薄身，燒至金黃色。外脆而肉質爽口，大大片食落口好滿足。我同男朋友每人兩片，我一片攞黎配甜甜既沙嗲醬，一片攞黎配泰式紅雞醬。兩隻味都好夾。好味道！
我地叫左店員推介既牛仔骨，我同男朋友一人一件。 男朋友中意啖啖肉，怕麻煩既佢都讚牛仔骨。 因為估唔到燒出黎既牛仔骨軟淋淋又多汁，入味得黎又唔韌。好容易就將“骨，肉“分離，我地食完都覺得值得大力推介！
燒雞翼，我地鍾意食。 男朋友鍾意食雞翼，所以我地一人叫左一串。 雞翼燒到金黃色入面d肉好嫩滑，仲有少少肉汁。
第一次見到有鋪頭有燒白鱔食， 感覺好新穎。我叫左一串自私食，因為男朋友唔食魚所以我可以自己獨享美食！ 切成細細粒既白鱔一啖一件好方便， 外面燒得好香脆但係入面魚肉既質地好嫩滑。仲要無骨，岩晒我呢個懶人。
