Read full review
2022-07-23
4189 views
屋企人生日要同佢食餐好既，揀左呢間位於灣仔合和中心 62 樓既自助山，幾個月前已經打去book 定窗口位，未夠6點已經開始有人係56樓接待處排緊隊等轉lift上62樓，星期五晚好多人食自助餐，全部都坐滿哂人😨晚市自助餐 (星期五、六、日及公眾假期 - 成人$788; 小童$498)🦞凍海鮮 Book位嗰陣已經問定有無生蠔🦪以前食過有生蠔但而家唔再有，凍海鮮有原隻龍蝦、麵包蟹、鱈蟹腳，蝦同蜆，但就無生蠔，龍蝦肉都幾彈牙仲要有膏🥰🥰🥰🥘熟食熟食方面都幾多款，有明爐燒味: 燒鴨、叉燒、豉油雞同乳豬，乳豬皮脆肉嫩，中間夾左層肥膏😍仲有個魚缸裝住新鮮大蝦，有專人撈起再做白灼蝦同冬蔭功蝦，好新鮮又夠大隻🦐燒烤類既食物都幾高質，每次經過都大排長龍，有芝士焗龍蝦、三峇醬焗蠔、燒和牛、燒鯖魚同鵝肝多士，每人每次只可以拎兩件，芝士焗龍蝦🦞好大隻，咁啱到我嗰陣新鮮焗起熱辣辣，肉質彈牙，芝士味香濃，焗蠔都好好食，蠔肉鮮甜而且海水味濃，燒和牛油脂較重，入口即溶💯天婦羅類就有炸蝦、南瓜、番薯、茄子等等，即場炸起既天婦羅脆卜卜，外脆內軟既口感幾正海參花膠炆鮑魚等到7點3先有得食海參花膠炆鮑魚，每次限拎一盅，冬菇好厚
屋企人生日要同佢食餐好既，揀左呢間位於灣仔合和中心 62 樓既自助山，幾個月前已經打去
book 定窗口位，未夠6點已經開始有人係56樓接待處排緊隊等轉lift上62樓，星期五晚好多人食自助餐，全部都坐滿哂人😨
晚市自助餐 (星期五、六、日及公眾假期 - 成人$788; 小童$498)
🦞凍海鮮
Book位嗰陣已經問定有無生蠔🦪以前食過有生蠔但而家唔再有，凍海鮮有原隻龍蝦、麵包蟹、鱈蟹腳，蝦同蜆，但就無生蠔，龍蝦肉都幾彈牙仲要有膏🥰🥰🥰
🥘熟食
熟食方面都幾多款，有明爐燒味: 燒鴨、叉燒、豉油雞同乳豬，乳豬皮脆肉嫩，中間夾左層肥膏😍仲有個魚缸裝住新鮮大蝦，有專人撈起再做白灼蝦同冬蔭功蝦，好新鮮又夠大隻🦐
燒烤類既食物都幾高質，每次經過都大排長龍，有芝士焗龍蝦、三峇醬焗蠔、燒和牛、燒鯖魚同鵝肝多士，每人每次只可以拎兩件，芝士焗龍蝦🦞好大隻，咁啱到我嗰陣新鮮焗起熱辣辣，肉質彈牙，芝士味香濃，焗蠔都好好食，蠔肉鮮甜而且海水味濃，燒和牛油脂較重，入口即溶💯
天婦羅類就有炸蝦、南瓜、番薯、茄子等等，即場炸起既天婦羅脆卜卜，外脆內軟既口感幾正
海參花膠炆鮑魚
等到7點3先有得食海參花膠炆鮑魚，每次限拎一盅，冬菇好厚肉炆到好腍好入味，花膠有豐富既骨膠原，海參同鮑魚都好腍😍
🍣刺身
刺身就有三文魚、吞拿魚、甜蝦、帶子、油甘魚同池魚，我就揀左甜蝦、帶子、油甘魚同池魚，原隻甜蝦好多蝦籽，肉質都好鮮甜，帶子厚肉又彈牙，油甘魚同池魚都幾好食😋
🧁甜品
甜品方面滿足埋大人小朋友既需要，有糖果天地、朱古力噴泉、雪糕同多款蛋糕，榴槤控必試榴槤焦糖燉蛋同榴槤糯米糍，值得一讚既係佢地既雪糕係選用Le Salon De The de Joel Robuchon既雪糕，有朱古力、雲尼拿、芒果、士多啤梨、芒果、咖啡，仲有炒雪糕🍦好吸引😍
飲品方面每人會送一杯橙汁，再加一杯餐飲 (咖啡或茶)，想飲白酒紅酒可以去酒櫃選購
Post
