朋友係日本拉麵控，今日叫我陪佢去灣仔試下呢間日本人開嘅正宗日本拉麵.....🍜
原來呢間拉麵店都開左成11年喇，小食店可以屹立不倒，一定有其可取加分之處，中午12點一開門已經大排長龍。
知名菜式不用多，餐牌簡簡單單就可以。
🍜牛筋BLACK拉麵**$118
湯底濃郁路線，有洋蔥嘅香味。牛筋燉煮得軟淋，膠質豐富，帶有黑椒味道。面條夠彈牙，湯跟麵都攞滿分！濃郁湯底配溏心蛋及青葱，一齊食極之美味。
🍜黑龍豚骨拉麵***$116
必點拉麵之選！湯底以豬骨熬煮超過12小時，濃郁的乳白色帶有膠質的滑順感，煮得入味，令人回味無窮。麵條彈牙，吸附湯底精華。半肥瘦的厚身叉燒，半熟溏心蛋黃，還有紫菜、筍乾和蔥花增添層次感！
🥠餃子
日式煎餃外皮夠薄，金黃酥脆，內餡豬肉及椰菜為主，肉汁鮮甜。
🦑章魚燒
外皮烤的焦脆，淋上濃郁的章魚燒醬、柴魚片，滿滿日本風情。
