東京築地拉麵 (Closed)

好耐無出旺角，今日出嚟食餐便飯順便行吓，呢間東京築地拉麵喺地牢下面，食物款式唔算好多，專注做好幾款。叫了「濃厚雞白湯拉麵」（$83），我理解佢係話用12個鐘來淆湯，第一時間當然試吓個湯底，又真係幾濃味，唔錯！幾件雞肉都幾滑，拉麵質感剛好，仲有溏心蛋和紫菜添！另外朋友點了「日式滑蛋吉列豬扒丼」（$56），滑蛋同豬扒份量都幾多喎，我試咗舊豬扒，厚身得黎又鬆軟，只是吉列層俾啲汁整淋左。我哋亦叫咗個日式煎餃子（$38 /5隻），菜肉餡，表面都煎得香脆。日本柚子冰和蘆薈提子梳打冰（$24）都幾大杯，記得搞勻飲，喜歡後者有蘆薈粒粒有咬口。