塚田農場 (Closed)

今日Lunch嚟試下美人鍋湯底。一上鍋湯底係一個半圓形嘅果凍咁，開咗爐之後就會慢慢溶化變成湯底打邊爐。餐廳座位都好寬闊，地方乾淨。外面有沙律吧、飲品吧、醬料區。值得一提係，飲品吧有唔同口味嘅水果飲料，眼數都有5-6款，大家可以每樣試下。食物方面，今次選豚肉+雞肉。肉類都算新鮮，但奇怪嘅係，3塊雞件上菜嗰時就已經熟咗，問過店員點解唔係生雞件，店員無正面回應，只係話雞件即使熟咗都需要下鍋，因為放喺室溫已有一段時間。雖然唔係好理解，不過總括嚟講都可以接受。