Four Point Gold Restaurant (Closed)

今晚收工唔想番屋企煮飯食，唯有去屋企附近睇下食咩好:)朋友介紹左我去一間潮洲菜餐館食個晚餐！我好少食潮洲菜，所以唔知有咩喺必食！問一問店員佢地都好用心介紹menu！晚市有孖寶套餐，性價比非常高啊！我叫左一條蒸大魚，另外再加左一個潮洲蠔餅，聽聞是餐廳人氣選擇即叫即蒸大魚，魚肉非常香嫩鮮甜，唔會蒸過火，滑溜又唔會腥！我食左一陣蠔餅就上碟熱辣辣卜卜脆配埋辣椒醬超惹味蠔肉份量多而且爽嫩鮮甜，炸粉唔厚，的確出色。