Video
Read full review
2025-08-01
323 views
今次同朋友去咗旺角砵蘭街嘅「明記潮館」食潮州菜，環境乾淨企理，而家仲做緊滿$300可以用$8加配鹵水雜錦拼盤/韭菜豬紅嘅優惠。我哋揀咗鹵水雜錦拼盤，都有返咁上下份量，滷得入味，抵食！ 另外叫咗幾個小菜。風沙豬手炸得外皮酥脆鹹香，食落惹味，但食得多會覺得油膩，建議多人share。 蠔仔肉碎粥（細）雖然叫咗細份量，但都可以分到四五碗。蠔仔鮮甜無沙，鍾意食潮州粥有一粒粒米嘅口感，加埋肉碎同芫荽，暖胃又滿足。 涼瓜炆龍躉頭腩龍躉頭腩膠質豐富，涼瓜係爽脆啱曬我口味，唔會炆到太軟淋，保持到口感。 蒜蓉粉絲蒸蟶子王蟶子唔算特別大隻，但蒸得剛好，蒜蓉同粉絲吸收晒鮮味，好香好惹味。 總括來講，明記潮館水準穩定，價錢合理，尤其海鮮同滷味出色，適合一班人聚餐！
另外叫咗幾個小菜。
風沙豬手
炸得外皮酥脆鹹香，食落惹味，但食得多會覺得油膩，建議多人share。
蠔仔肉碎粥（細）
雖然叫咗細份量，但都可以分到四五碗。蠔仔鮮甜無沙，鍾意食潮州粥有一粒粒米嘅口感，加埋肉碎同芫荽，暖胃又滿足。
涼瓜炆龍躉頭腩
龍躉頭腩膠質豐富，涼瓜係爽脆啱曬我口味，唔會炆到太軟淋，保持到口感。
蒜蓉粉絲蒸蟶子王
蟶子唔算特別大隻，但蒸得剛好，蒜蓉同粉絲吸收晒鮮味，好香好惹味。
總括來講，明記潮館水準穩定，價錢合理，尤其海鮮同滷味出色，適合一班人聚餐！
Post
