Lung Wah Hotel (Ha Wo Che)

龍華個名應該冇乜香港人未聽過，由細到大，阿媽耐唔耐都要想當年，話細細個時外公帶佢地一家十口黎龍華食乳鴿，大人一隻，細路半隻，嗰個年代黎龍華食乳鴿的確係幾巴閉，普通人家都唔會黎食。雖然而家龍華喺香港人眼中已經唔係咩高檔食府，但因為位置偏遠，我都從來冇同屋企人黎過，係幾年前同朋友黎食過。趁阿媽就黎生日，就帶佢黎懷舊下，五十年冇黎，環境當然唔同晒，乳鴿可能真係冇以前咁好味，又或者係我地見識多左食多左好野，先會覺得佢冇人講到咁好食，不過喺長輩嘅笑容中，會知道哩隻乳鴿同以前一樣咁好食。

龍華分左幾個廳，記得幾年前黎幫趁，最近門口左邊哩個主廳入面會有人唱歌，坐滿晒人，冇訂枱嘅話就只可以坐偏廳，近年社會運動加上最近嘅疫情，客量都大不如前，主廳都只係七八成滿。

龍華脆皮燒乳鴿($98/隻) - 黎龍華食飯，每枱都必它會點一碟乳鴿。乳鴿皮閃令令食落脆脆地，鴿肉唔會太老，味道冇出面食倒嘅乳鴿咁鹹，對老人家黎講健康啲，我鍾意鹹啲就會再蘸淮鹽。

龍華脆皮燒乳鴿

$98

龍華脆皮燒乳鴿

$98

沙田風味豉椒炒蜆($168) - 炒蜆冇沙，都算幾厚肉，但空口食有啲偏鹹，配白飯應該可以食多兩碗飯。

沙田風味豉椒炒蜆

$168

沙田風味豉椒炒蜆

$168

鮑粒海皇福建炒飯($138) - 炒飯都幾大碟，夠四個五個人食，上面鋪滿鮑粒、蝦、肉粒、冬菇粒、紅蘿蔔同芥蘭粒，茨汁夠多，就算食到最後，每啖飯依然有汁，都幾好食。

鮑粒海皇福建炒飯

$138

鮑粒海皇福建炒飯

$138

木桶豆腐花($78) - 豆腐花係限量，通常點菜時，侍應都會叫你食晒所有野先落單，所以想食嘅最好早啲到，如果唔係食完飯想點都已經賣晒。豆腐花細細桶，大約係二至四人份量。

木桶豆腐花

$78

豆腐花有凍同熱，天氣熱我地就揀左凍，都仲幾滑。

木桶豆腐花

$78

龍華名氣近年已經大不如前，好多人都話佢啲野差左好多唔好食，今次再黎，雖然味道講唔上驚為天人，但亦冇啲人講得咁差，味道正正常常，一間咁有歷史同集體回憶嘅老飯店而家真係買少見少，有時間嘅都值得黎幫趁下當郊遊。