Bella Vita (Closed)

之前有食過Lunch set，今日第一次去食晚餐，揀左Gourmet Dinner Menu。檯與檯之間唔會太近，有返D私人空間。點完菜就上左麵包同黑松露牛油，有我最鍾意既橄欖麵包配埋黑松露牛油即刻開胃晒。呢個橄欖油同醋有得買返屋企，個醋比平時食既濃少少，帶有甜味，怕酸既朋友可以一試。好快就上左前菜，我揀左炭燒八爪魚配青蘋果沙律。八爪魚好易咬開，有炭燒味不過無燶味青蘋果甜甜地一D都唔酸Pasta就點左海膽Risotto配煎帶子。濃郁既海膽味唔會腥，飯煮得剛好。帶子好輕微咁煎一煎，平時好怕食太熟既帶子，呢個剛剛好，好滿意。之後就到我都幾期待既香煎智利鱸魚配南瓜蓉。有D餐廳火候拿捏得唔好一係個皮唔脆，一係就太熟。呢度就煎得啱啱好，個皮好脆又唔燶，裡面水份充足，唔會乾晒，配埋既蔬菜鮮甜，非常滿意。最後上埋甜品同咖啡／茶。甜品有tiramisu，加埋個雪糕食到好飽！滿足的一餐。