滿記甜品 (Moved) New Location

今晚心血來潮想食糖水，其實依家周圍都糖水鋪，但係情意結都是去滿記比較好，仲要西貢果間。由馬鞍山家經西沙路去西貢市中心都只係二十分鐘。話遠唔遠，所以又自駕去食糖水。想做就去做，及時行樂。去到又係預期無車位，講開街錶位，都真係撞手神，滿記對開的錶位是經常滿的，建議沿滿記燈位轉左直上，會有另一較少人用既錶位。等左好耐，終於有位停車。但去到滿記又另一次等待。最後我地終於都有位食到，水準不錯，跟想當年一樣好。回味！