入到去咩都未叫，個樓面姐姐攞咗碗紅棗雪耳糖水過嚟，原來碗糖水係用嚟保護個胃，怕一陣食得太辣會傷胃。所以打之前最好飲咗去先。(老闆好細心)
爽口鴨血
鴨血做得好滑同好爽，夾埋個牛油麻辣湯一齊食，味道一流。
冰鎮鮑魚
鮑魚已經係成半熟狀態，所以肉同殼已經分開咗，食嘅時候就方便好多，唔洗落手去拆肉。疫情下食得更加安心。
黑豚腩肉
一層層又香又爽嘅脂肪，再夾一層層嘅豚肉，食落有唔同嘅層次，食落好滿足
安格斯肥牛
每一塊都起晒雪花咁，脂肪同肉嘅嘅比例啱啱好，成落完全無渣，加埋麻辣嘅作用，味道仲正。
呢個湯底真係唔只係香咁簡單，食到尾嘅時候個嘴都食到紅晒，係夠辣嘅!食辣得嘅朋友值得一試!
