Lunch time 中環一向都多人 幸好朋友12:15就到左排隊 到我到左就即刻可以入座(齊人入座)
坐位幾闊長落 長枱為住 中環店分別有中環限定蝦汁胡麻冷麵同香港店限定嘅辛辣味味噌蝦湯拉麵 但不太好辣喜歡熱辣辣湯麵嘅我 無冇懸念地揀咗招牌蝦湯拉麵 粗麵 濃厚豬骨湯底 走蔥 麵酥另上(我怕我唔食) 完 食拉麵絕對令有選擇困難嘅人叫野食快左十倍 哈哈
指定動作 拉麵一上黎 即刻飲番啖湯 豬骨湯味okay加埋蝦味好出 一入口好豬骨飲真d就有蝦味出黎 對於唔太好蝦湯嘅我 表示很唔錯 重要唔算油而且好鹹 麵質雖然無得揀軟硬 但鍾意食軟麵嘅我 佢煮得好合適 反而叉燒幾加分 夠淋同唔太厚 我好怕好瘦又好肥嘅肉 竟然佢地有2塊肥瘦好適中 溏心蛋正常發揮 只是個人不喜歡有d酸酸地的調味 最後麵酥即係紅姜嘅脆脆 鹹鹹地有d姜嘅味 建議大家好似我咁另上就可以保持到脆嘅口感 本小組始終最愛豬骨湯底拉麵 但一幻整體蝦湯做得唔錯 可以一試
煎餃子做到皮好薄 雖然唔係煎到外面脆曬個d 但餡料超足又唔油膩 食定一隻好想再食呀
