黑魚籽煙三文魚配沙律菜 (柚子汁+黑醋汁)三文魚沙律清新爽口，食到獨特嘅煙燻味道。
前菜係白松露魚子醬溫泉蛋，溫泉蛋係暖暖地，同其他配料攪勻就食得。食到好香濃嘅魚子醬，加左白松露，好香🤤
輪到鐵板海鮮，揀咗東星斑同虎蝦。第一次食燒東星斑，有啲期待😂東星斑質素唔錯，肉質細膩，外皮燒到金黃酥脆，咬落去爽脆又彈牙。燒虎蝦肉質就相對比較緊實又多汁，配上龍蝦汁，令到味道更昇華，口感再多一個層次。
鐵板肉類，有豬肉牛肉雞肉可以揀，但我同老公都係食牛達人，所以都係揀左澳洲牛扒🤣啲牛扒嘅紋理都幾分明，厚度都唔錯，咬落去鮮嫩多汁，好濃牛味👍
炒飯，粒粒金黃，煙韌彈牙，本身食完牛都好飽，但係我哋都食晒碗炒飯🤤
紫薯雪糕，侍應介紹係自家制雪糕，搭配左啲分子料理式嘅紅豆，完美的一餐落幕，開心結婚紀念日❤️
