去到尖沙咀搵野食，最怕就係太多人太嘈吵又食得急，今次去到金馬倫道既一間日本餐廳，行多兩步離開彌敦道，換番黎既係舒適同質素，但位置亦唔難搵，直接約朋友去餐廳等都無問題。
簡單既鋪面，更加令人可以集中品嚐食物既質素，清新既佈置，仲有可以望住師傅準備食物，望到將日本直送既新鮮魚生，一刀一刀切成碟上既刺生，再送到面前，未放入口已經品嚐到睇得出既美味，加上店面播住日本歌，一啖一啖將高質既刺生壽司放入口，兩者加埋即刻就勾起去日本旅行，吃喝玩樂既記憶，十分放鬆。
今次比較懶，只係點左幾件特別想食既壽司，其他就點左拼盤，由師傅幫我選擇，因為壽司好簡單，只要食材夠新鮮，配合埋師傅既刀功同不大不小剛剛好既飯團，就已經係高水準之作。
火炙壽司拼盤
廚師特選壽司
生竹葉蟹腳壽司
半透明既蟹肉，爽口鮮甜，望到就想即刻放入口
平成卷
飯卷，飯同食材既比例恰到好處，唔會膩口，上面既海膽，口感綿滑，creamy，鮮味十足
