1️⃣招牌大滷麵（$49）
有金錢𦟌、陳皮魚蛋、豆腐、蘿蔔同埋生菜，配料好多。金錢𦟌每日限量供應，煮得夠淋，肉質唔會乾柴。陳皮魚蛋好多，幾特別真係食到滲出啖啖陳皮香，而且好彈牙。豆腐滑捋捋同埋啲湯一齊食好好味。蘿蔔大大舊冇渣🤤 揀左滷水湯，湯底唔會好鹹，反而幾清甜，上海麵既質感比起出面食到既好似幼啲，軟硬度啱啱好👍另外推介加啲鋪頭既蒜辣醬落碗麵到食，蒜味好重，帶少少微辣，令本身清甜既湯底即刻變得濃郁惹味，重口味人士一定鍾意。
2⃣️三拼麵（$47）
豬大腸、豬肚、陳皮豆腐，每樣嘢都比得好足料，其實食一碗麵都絕對夠曬飽。豬大腸冇異味，有啲肥膏，幾香🤤豬肚有咬口，陳皮魚蛋細細粒好彈牙。 呢款揀左麻辣湯，麻辣湯底黎講唔算油，食多幾啖越黎越感覺到佢既麻，幾正。不過其實佢既麻辣唔算係好麻好辣，如果唔夠喉既話可以再落啲佢地既麻辣油，嗜辣人士🌶️啱曬。
3⃣️酥炸豬扒（$23）
佢呢度既炸物全部都即叫即炸，送到上黎既時候熱辣辣🔥好正。豬扒炸粉唔厚，食落有啲椒鹽味，幾香口，而且豬扒炸得一啲都唔乾，食落外面香脆，內裏既肉質仲keep到。
4⃣️椒鹽炸墨丸拼貢丸（$19）
又係新鮮炸起熱辣辣，兩款丸類都炸得好好味，完全唔油！而且食得出果種紮實彈牙既質感，啲丸唔會覺得溝左好多粉。特別鍾意貢丸，味道更加濃。
5⃣️蒜香炸豆腐（$22）
呢個我同朋友都大愛😍有好多炸蒜，豆腐炸得好脆好香！而且都份量都幾多下👍
