手作挪威煙三文魚米紙卷 $48
一拎返屋企，家人即時食呢個米紙卷，個煙三文魚味道好好，熟度岩岩好，有少少軟身，粉絲同青木瓜令個米紙卷質感更有層次感。媽咪都讚好食。
意大利黑醋汁蒜蓉牛油雞翼 $38
鍾意個黑醋汁，食落個雞翼有牛油同蒜蓉既香味，黑醋既酸味令個雞翼既肥膩感無左，點埋青檸檬汁，味道更清新。
火五和牛牛丸扎肉粉 $48
鍾意呢個外賣既處理手法，湯同河粉分開，食個時先倒埋一齊。外層有一層保鮮紙包住，拎到屋企仲暖既，湯既溫度保持到。和牛牛丸幾好食有牛味，扎肉同埋洋蔥香草仲有辣椒令成個湯河好入味。
越式炸蝦春卷撈檬 $42
魚露分開另一個細盒，食個時先倒入去，蝦春卷都整得幾脆。
火五特式鳳爪 $22
屋企人鍾意食鳳爪，有青木瓜同香醋調味，酸酸地又有青木瓜既清新口味，好食同幾開胃。
D24榴槤炸彈 （4粒）$48
外層煙韌香軟，有食緊麻薯既感覺。內層係足料香滑又好食既榴槤肉。食個口感香口又唔油膩。
