牛尾煲→雞煲→牛雜→鴛鴦鍋放題！
🍽️火焰牛尾煲🔥
可以喺雞煲/豬手/牛尾煲入面揀，辣度仲可以自己揀，啱晒我哋食唔到辣！牛尾啖啖肉，又入味，而且大大舊！食完可以encore轉款，加添咗雙乳（咸牛乳、腐乳）雞煲，試下特別味道！
🍽️牛雜鍋
4款口味烤魚/酸菜魚/牛雜入面我哋繼續食牛！上到嚟牛肚、牛大腸、牛肺樣樣都幾入味，而且入面配菜都唔遜色！蘿蔔又甜，必食！
🍽️鴛鴦鍋
可以一次過滿足兩個願望，其實食到呢度都好飽，好彩係冇限時，可以同朋友一路吹水消化下，又繼續戰鬥！
泰式冬蔭公和豆腐豬骨湯兩個味一濃一淡，點咗肉、又叫咗唔少海鮮，全部都有鮮味。同時仲有啲小食，配上自己喺自助區拎嘅唔同菜，十分滿足！
6
