Read full review
2017-03-26
6032 views
差唔多十點先搵嘢食,諗起Burgeroom 收得夜,所以同朋友決定食佢,去到都仲有好多人,裡面差唔多坐滿晒,唯有座出面。我去Burgeroom 最鍾意食佢個軟殻蟹漢堡,鍾意佢炸完個軟殻蟹又香又唔會油淋淋,加埋蕃茄同生菜,好香口,不過我覺得今次D脆漿厚咗少少,如果薄D就仲好味。朋友叫咗鮮磨菇牛肉漢堡加菠蘿,依個配搭係朋友至愛,少一樣都唔得,牛肉煎得好香口,同埋都好有牛肉味,加埋烤咗嘅鮮蘑菇,同面層乾乾地但裡面好多汁嘅菠蘿,真係夠晒滋味,不過如果牛肉可以㨂要幾成熟,就更加好,有時覺得佢地D牛肉好似熟咗少少,做唔到好有肉汁嘅效果。叫咗芝士旋風薯條,熱辣辣新鮮即炸,薯條炸得又香又脆,加埋溶溶地嘅芝士係面,真係食到停唔到口,不過真係要密密食,凍咗真係無噤好食。香辣雞翼,皮炸得好乾身,但D肉都幾滑唔會好乾,少少辣辣地,好食。飲品就叫咗杯熱蜜桃紅茶,飲番杯熱茶,可以消吓滯。不過下次再囄食,一定會座裡面,唔會座出面,因為佢地無暖燈,D風吹埋囄,都凍凍哋。
Post