之前聽朋友介紹將軍澳嘅小神燈新派飯館，主打新派粵菜，以香港懷舊風格為主題，牆上有霓紅燈招牌同復古茶具等等，適合打卡影相，而店內亦有卡位同圓枱座位，一家人👨👩👧👦嚟食就最啱啦～
✨奇趣脆皮豬手 🐷
豬手外皮香脆， 肉質嫩滑多汁，唔會覺得肥膩，份量仲好大份，配上芥末醬簡直係絕配 ！
✨蟹肉菠菜豆腐盒
豆腐同菠菜兩款都係我鍾意嘅食物🤩 入口好似玉子豆腐咁，外脆內嫩，再加上菠菜同螃蟹肉🦀️，鮮甜美味。
✨小神燈一品炒飯
炒飯粒粒分明，金黃鮮香，夾雜住唔同配料嘅味道，有鮮蝦🦐 、帶子同叉燒等，食完一碗🍚都要再添呀！😋
✨椒鹽魷魚鬚 🦑
魷魚鬚炸粉乾身香脆，炸完之後依然爽脆，夠晒惹味👍
✨椒麻鮮螺片
麻香味再加上螺片嘅爽甜，一種香辣🌶️嘅味道，愈食愈過癮。
