養心殿台式養生鍋

約「閏密」食生日飯，一定要食好野
原本打算預約「地獄廚神」尖沙咀新開餐廳Maze Grill,但早兩星期預約已爆滿（連waiting list都wait 唔到）⋯⋯⋯
突然回想起剛剛一起去完台灣, 大家都懷念著[台式火鍋]湯底的那股養生虊材味~~~~~ 就想起想試很久的人氣台式火鍋店[養心殿]

用餐當天, 開首對此店印象真的[麻麻]~~~~~
第一, 竟然只收CASH, 我們一行五人食火鍋, 閒閒地都過千元, 令我放工要趕著排長龍提錢
第二, 我們一行五人, 竟然安排四人枱加櫈, 令大家都坐得好迫, 真係有D嬲嬲豬。

不過都來到了, 又是幫朋友慶生, 不能計較太多, 還是開開心心地吃吧!!!

先來個湯底先~~~~必試[麻辣/美人]鴛鴦鍋
先講[美人鍋]那邊, 絕不能錯過這半隻烏雞, 雞肉跟我平時煲湯的肉質完全唔同, 非常鮮甜嫩, 好正!!
而且內裡用料很足, 有好多好多桃膠, 黨參, 元肉等等!!!

麻辣/美人鴛鴦鍋

$128

而[麻辣鍋]那邊, 由於大部份朋友都不太吃辣, 加上又是第一次, 所以麻辣嗰邊只點了個[小辣]~~~~雖然上枱嗰下見到成湯都係辣椒, 都俾佢驚親, 但食落其實只有譚仔[五小]的辣度, 所以嗜辣的朋友相信要選中辣、或大辣先夠過癮了。
點麻辣鍋, 除了鍋中的[鴨血], 還會另上一份免費[鴨血], 這個浸滿麻辣汁的鴨血, 好好食。
我不是第一次食鴨血, 亦曾到台彎試過以鴨血成名的[麻神]的果凍鴨血, 這兒的鴨血雖沒有麻神的SIZE大及爆皮口感, 但那QQ 煙韌口感及入味情度, 都不差於麻神。

1

鴨血

食火鍋, 絕對不可沒有的[手切牛肉]
牛肉新鮮嫩滑, 有牛味!!

1

手切牛肉(細)

$238

貪過癮點了這個[豬天梯](即豬喉嚨), 服務員說我們很幸運, 因為不是常常有貨。
我個人覺得幾好食, 口感唔錯, 爽爽厚厚的質感, 不過很重[豬酥味], 未必人人喜歡。

豬天梯

$88

[手工丸拼盤]亦是打邊爐必食
味道不錯, 款款都爽滑彈牙, 不會太實!!

手工丸拼盤

$108

「餃子拼盤」不過不失，但12隻餃索價HK$118較貴

餃子拼盤

$118

[酒香白肉]
嫩滑鮮嫩, 不錯。

酒香白肉

$58

[炸响鈴]
很脆, 不過油多D

即炸脆响鈴

$68

[鮮甜三蔬]有山虊, 粟米, 秋葵
粟米好甜, 山虊放在美人鍋, 吸盡湯的精華, 好好食!!
秋葵已切開, 不怕藏有蟲蟲。

鮮甜三蔬

$68

[農場野菌]、[雜錦蔬菜盤]及「炸芋頭」一定是放入美人鍋
吸收湯汁精華, 正!!

農場野菌

$58

1

雜錦蔬菜盤

$68

炸芋頭

$58

最後送上免費的[雪糕球]!!
我試了[榴槤味], 都幾好食, 都幾濃榴槤味架, 只是口感不太滑。

飯後甜品[雪糕球]

雖然Book 位時問過沒有限時, 但由於是星期五, 門外等位人數眾多, 所以他們見我們食得七七八八都無奈催促我們埋單。
五位埋單HK$1437, 價錢合理。

這間相信我都會Encore 的!!
總括來說～～～
優點:
1. 食物味道不錯, 湯底料足, 用料新鮮
2. 價錢合理
3. 沒有限時
4. 多間分店, 地點方便手工丸
5. 員工人數足, 加湯加很好密

改善地方:
1. 只收現金, 如可收信用咭就可方便客人
2. 座位安排不妥善, 明白香港地少人多, 但5人坐4人枱真是太迫, 如能安排一張六人枱會較佳, 我們亦可多點一些食物。