我哋叫咗鴛鴦湯底，分別係花膠雞湯同台式麻辣。因為大家都未肚餓，加上有大紅袍珍珠奶茶加持，叫咗三個配料已經飽。我哋叫咗美國特選牛小排、芝士魚腐同皇帝菜。最後埋單每個人都要差唔多$400，出街食飯真燒錢。
兩款湯底都好出色，花膠雞湯滋潤補身，味道香濃，雞味濃郁。台式麻辣就唔使講啦，香辣惹味，中間有鴨血同豆腐
，聞到已經流口水。
1
芝士魚腐有驚喜，芝味濃郁，魚腐軟滑有魚味！美國特選牛小排都好食，肉香嫩滑，打邊爐必叫！皇帝菜翠綠新鮮，好味。
大紅袍珍珠奶茶大大杯，非常吸引！整體還可，略嫌欠缺茶香味，奶味較濃。
最後還奉上兩款甜品，圓滿的一餐！
