Fong Wing Kee Hot Pot Restaurant

一星期前訂咗枱，八點幾去到已經泊滿哂車，代客泊車要$50。幾乎全場滿座，男女老幼咩客都有。最滿意係夠光猛，抽風好 冷氣夠，食完個身都冇味！

沙爹湯 魚湯，湯底好厚身，完全足料夠味。個人比較喜歡魚湯，可能當晚叫得比較多海鮮，夠清甜。

手切牛肩肉 牛粒，見到顏色紋理都覺得新鮮，一向好少食牛嘅我都忍唔住，因為見到滾完之後都冇縮水，肥瘦平均。

魚卜，份量夠多，即使滾耐咗都唔好話硬哂，反而好多骨膠原痴痴地感覺。
encore咗鮮魷兩次！真心一定要試，好爽口彈牙！俾多一碟我都仲ok！

要讚嘅係美國桶豪，好大隻，仲要冇縮水，想encore但已洁清。。。

2

服務態度我學得幾好。食物質素不錯，多選擇。
六個人埋單$19xx，貴係貴在幾百蚊最平牛肉。如果要我再食方榮記，我都應該會再去，又多一個敍腳點值讚嘅係員工，自動自覺執野教碟倒水。