一行兩個人，每人叫左杯野飲，分別係Mama Mia同BPJ: Cox Apple，我飲個杯係Mama Mia，應該係以西瓜同米酒整出黎既cocktail，果皮味好香容易入口。
我地主要叫左啲小食類為主既食物，可以慢慢傾計慢慢食，分別係炸雞皮、蓮藕片同話梅乳豬。本人就對雞皮特別有愛，而今次既炸雞皮炸得干身唔油膩，個醬就似BBQ味做膽再加啲特別味入去，同炸雞皮好夾。蓮藕片炸到有啲似蔬菜薯片，上面有個甜甜地鹹鹹地既醬，我覺得就係腐乳為主整出黎既醬，個醬同蓮藕片都好夾。最後就係話梅乳豬，先講配角，個薯蓉好滑軟綿程度啱啱好，有食開中式燒肉既應該都知話梅同乳豬係一個好好既配搭，所以主要係睇個醬，醬既質感口感味道都非常好，真係無得輸，而乳豬皮脆肉嫩豬味十足，個份量兩個人食啱啱好。
整體感覺良好，菜式到飲品都有新意，特別係個話梅乳豬好出色，送酒一流。
