是日餐湯係周打海鮮湯
湯底濃郁 海鮮料足 飲落去暖笠笠 開胃又滿足
🍝 煙三文魚蘆筍忌廉汁意粉
煙三文魚 煙燻味不算太重 肉質柔滑 鹹度適中 與忌廉汁融合得不錯
蘆筍清爽口感平衡忌廉的濃膩
意粉煮得剛好不會過軟 保留彈牙口感 充分吸收醬汁
🍛 西西里汁焗牛尾飯
牛尾焗得入味 肉質軟腍 膠質豐富 啖啖都係精華
西西里汁酸甜平衡 帶有番茄同香草味 同白飯一齊食真係一流 有種歐陸風情 但又不失港式焗飯嘅親切感
紅豆冰系列 有兩款
椰汁涼粉紅豆冰
椰汁斑斕紅豆冰
兩款都岩曬夏日飲
融合了東南亞風味的斑斕香氣
椰奶的濃郁滑順 以及紅豆的綿密口感 冰涼消暑
