還記得第一次幫襯係大磡村年代的詠藜園、每次一有機會嚟黃大仙附近梗會找個藉口入嚟食返碗擔擔麵、撐小店有人情味、出品保持10年如一日。
～ 招牌擔擔麵
麵條彈牙冇鹼水味、湯底應該係用豬骨湯底、味濃足料、簡簡單單冇得輸、足見打面同煮麵師傅嘅功力
～ 雞絲湯麵
可以、不過唔係我杯茶
～ 燻魚
絕對係每次去餐廳吃上海菜必點之一。喜歡呢到保持老上海式做法、喜歡食熏魚嘅朋友一定要試一試、要知道做好燻魚嘅功夫一啲都唔小、賣 $44 碟真係感恩。
小店雖然年紀唔輕、裝潢有點陳舊、員工服務有時會粗枝大葉、餸菜出品大盤大砵、不過這些可能都係每次讓你懷念嘅人情味小店。
