210
97
51
Level4
五月頭去左九龍香格里拉大酒店Staycation,等我地五月尾黎返個港島香格里拉大酒店Staycation先!呢個酒店Staycation package包24小時住宿體驗(適用於周五至日及公眾假期之退房)加二人早餐同$1000酒店消費額,總共收費$2000另加一。平日入住仲可以有30小時住宿體驗。我其實都算係港島香格里拉大酒店既常客,不過Staycation都係第一次。Cafe TOO係過去十年我最常黎既酒店自助餐餐廳之一,真係見證住呢度越做越退步。不過今次帶住小朋友,都係食自助餐好d,所以都係黎呢度食個lunch先check-in!一齊睇下有咩食啦!呢度d野食分好幾區。一入門口就見到呢個色彩繽紛既沙律吧。開頭仲以爲係display,之後先發現原來係食得既!不過上面個行真係display,下面個行先食得。沙律吧有好多唔同種類既新鮮沙律菜,亦有粟米,車厘茄,西蘭花,椰菜花,意式黃瓜等等,新鮮健康。沙律吧隔離都有d溝好左既沙律,例如烤南瓜沙律,豆角等。沙律醬有三款。仲有凱撒沙律。沙律區轉角就係魚生區。魚生只有四款,即北寄貝,金槍魚,三文魚,八爪魚,要等師傅切或者攞俾你。Cafe Kool
Read full review
五月頭去左九龍香格里拉大酒店Staycation,等我地五月尾黎返個港島香格里拉大酒店Staycation先!呢個酒店Staycation package包24小時住宿體驗(適用於周五至日及公眾假期之退房)加二人早餐同$1000酒店消費額,總共收費$2000另加一。平日入住仲可以有30小時住宿體驗。


我其實都算係港島香格里拉大酒店既常客,不過Staycation都係第一次。Cafe TOO係過去十年我最常黎既酒店自助餐餐廳之一,真係見證住呢度越做越退步
。不過今次帶住小朋友,都係食自助餐好d,所以都係黎呢度食個lunch先check-in!


一齊睇下有咩食啦!呢度d野食分好幾區。

沙律吧
61 views
2 likes
0 comments

一入門口就見到呢個色彩繽紛既沙律吧。開頭仲以爲係display,之後先發現原來係食得既!不過上面個行真係display,下面個行先食得。沙律吧有好多唔同種類既新鮮沙律菜,亦有粟米,車厘茄,西蘭花,椰菜花,意式黃瓜等等,新鮮健康。

沙律
49 views
0 likes
0 comments

沙律吧隔離都有d溝好左既沙律,例如烤南瓜沙律,豆角等。沙律醬有三款。

凱撒沙律
56 views
0 likes
0 comments

仲有凱撒沙律。

魚生區
60 views
0 likes
0 comments

沙律區轉角就係魚生區。魚生只有四款,即北寄貝,金槍魚,三文魚,八爪魚,要等師傅切或者攞俾你。Cafe Kool都有五款啦!

魚生
39 views
0 likes
0 comments

得北寄貝又大又新鮮,其他都麻麻地。唔怪得唔洗排隊。

壽司卷物同凍肉
63 views
0 likes
0 comments

魚生區隔離就係壽司卷物同凍肉。煙熏三文魚有勁多,火腿有風乾火腿同義式肉腸。壽司無仔細望,卷物有青瓜壽司蛋卷,牛油果蝦卷,忌廉芝士腐皮卷,吞拿魚沙律醬卷。Cafe Kool都有少少日式前菜啦,呢度無。


凍海鮮
71 views
0 likes
0 comments

之後就到凍海鮮區。凍海鮮有蟹腳,麵包蟹,青口,黃金螺,鮮蝦。今次我無試到。

泰國區
53 views
0 likes
0 comments

凍海鮮區隔離就係位於角落既泰國區。泰國區食物以沙律爲主(Cafe Kool則以熱食為主),有青木瓜沙律,泰式鳳爪沙律,牛肉沙律,泰式豬肉碎沙律,泰式粉絲蝦沙律,粟米沙律,冬蔭功湯同蝦片。我試左青木瓜沙律,牛肉沙律同泰式粉絲蝦沙律,不過不失。

點心
51 views
0 likes
0 comments

去返餐廳入口另一面就係點心區。點心區比Cafe Kool既三款多好多,有蝦餃,燒賣,豬肉蒸餃,素餃,珍珠雞,豆沙包同馬拉糕。蝦餃個饀鮮甜爽脆,塊皮就稍為厚左少少。燒賣都皮薄饀靚。豬肉蒸餃就唔得,皮厚饀少。豆沙包個豆沙饀好食,不過包太多。

中式區
41 views
0 likes
0 comments

點心區接住落就係中式區。中式區有XO醬牛鬆炒飯,金銀寸鮮魷蒸茄子,羅漢齌豆腐,蜜汁醬燒豬肋骨,京式干燒魚片。中湯係合桃蟲草花螺片煲唐排。Cafe Kool有中式前菜,呢度又無。不過中式熱食就好似比Cafe Kool稍稍名貴d。

金銀寸鮮魷蒸茄子,叉燒,燒鴨,羅漢齌豆腐,蜜汁醬燒豬肋骨
35 views
1 likes
0 comments

金銀寸鮮魷蒸茄子既鮮魷真係好新鮮。蜜汁醬燒豬肋骨既汁好味。京式干燒魚片幾特別又香口開胃,不過好多骨。

西式區
34 views
0 likes
0 comments

中式區接住落就係西式區。首先有好好味既菠菜同薯仔。換菠菜出黎之前係番茄。

專人即切烤牛肉同烤羊脾
42 views
0 likes
0 comments

西式區有專人即切烤牛肉同烤羊脾,另外仲有腸仔。

燒牛肉,燒羊脾,京式干燒魚片,金銀寸鮮魷蒸茄子,蜜汁醬燒豬肋骨
44 views
0 likes
0 comments

烤牛肉同烤羊脾質素都唔錯,好嫩。

西式區
34 views
0 likes
0 comments

其他西式食物仲有芝士通心粉,煎魚配紅花汁,慢烤豬里脊,焗茄子。西湯係忌廉蘑菇湯。選擇好少兼無名貴菜式。


鹵水蛋,鹵水豆腐,燒鴨,叉燒同油雞
31 views
0 likes
0 comments

呢區臨尾仲有鹵水蛋,鹵水豆腐,燒鴨,叉燒同油雞。叉燒半肥瘦唔錯,燒鴨則太乾。

粉麵檔
28 views
0 likes
0 comments

隔離就係粉麵檔。粉麵檔肉類配料有豬肉丸,龍蝦丸,墨魚丸,魚皮餃,魚片。蔬菜配料有菜心,菠菜,油麥菜,唐生菜,銀芽,金菇。麵條都有幾款揀,有日本拉麵,油麵,瀨粉,新竹米粉。湯底有豬骨湯底同雞肉湯底,不過無Cafe Kool既叻沙。粉麵檔有個牌寫住蘭州拉麵,不過我懷疑好少人食。

炸物區
29 views
0 likes
0 comments

天婦羅區令人好失望,居然變左炸物區,得炸魚,炸薯角同黑松露巴馬臣芝士薯條。炸魚個皮麻麻地。失望!


炸物區隔離就係燉湯,燉湯一點先開始供應。是日燉湯係准山杞子瘦肉燉雞,我飲左幾啖,真材實料味道正常。

日式大阪燒
25 views
0 likes
0 comments

燉湯區隔離就係鐵板燒區。呢個係Cafe Kool無架,可惜只係日式大阪燒,完全唔吸引。同埋呢度唔見有Cafe Kool既專人即煮意粉。

印度區
22 views
0 likes
0 comments

鐵板燒區隔離就係印度區。印度區有雞咖喱,牛肉咖喱,扁豆咖喱,天多利烤雞,免治羊肉串,印度烤餅。印度野唔係我杯茶所以都無試。

甜品區
32 views
0 likes
0 comments

至於我最最最重視既甜品區,其實係餐廳中間,擺出黎好吸引眼球,未食先興奮!不過無可否認,甜品選擇係少左勁多,以前淨係杯仔慕絲或者啫喱都有多過一款揀,而家全部甜品都只係得十幾款揀,有薄荷青檸白朱古力,黑朱古力車厘子,梛子芒果,白朱古力紅莓,白朱古力青蘋果,芝士餅,荔枝紅桑子,楓糖黑加侖子,櫻花白朱古力慕絲。

芝士餅,梛子芒果,楓糖黑加侖子,荔枝紅桑子,黑朱古力車厘子,白朱古力紅莓,Cheese Tart,白朱古力青蘋果
36 views
1 likes
0 comments

不過好在質素都仲叫保持到,基本上樣樣都好食,有層次又唔會過甜。芝士餅好濃厚好食。薄荷青檸白朱古力小杯好清新。其他賣相好之餘味道都唔錯。
甜品區
26 views
0 likes
0 comments

新野有芝士撻。芝士撻有滑溜芝士餡加上夠脆同牛油味濃既撻底。

甜品區
75 views
0 likes
0 comments

甜品區另一邊仲有朱古力布朗尼,朱古力蛋糕同朱古力撻,真係少左好多款。朱古力撻既朱古力醬又滑又濃,撻底夠脆同牛油味濃。朱古力布朗尼都唔錯。朱古力蛋糕就普通d。

甜品區
29 views
0 likes
0 comments

放係花型食物架上面既法式杏仁餅同泡芙就好吸引眼球。法式杏仁餅得綠茶同士多啤梨味,不過質素都幾好,又脆又濕潤而唔過甜。泡芙有檸檬同士多啤梨味,外脆内滑。

Haagen Dazs 雪糕
37 views
0 likes
0 comments

最正係有我最鍾意既Haagen Dazs 雪糕!呢度仲有八種味道(比Cafe Kool多兩款),有士多啤梨,雲呢拿,朱古力,綠茶,曲奇忌廉,冧酒提子,芒果,紅桑子sherbet。可惜雪糕toppings得彩虹朱古力碎同M&M's。

Pancake
30 views
1 likes
0 comments

原本都唔知原來仲有做pancake,見到有人食即刻叫返份試吓先,熱辣辣嘅薄身軟腍薄餅再加上融緊嘅香滑雪糕,一冷一熱,好正。之後再encore多份,個服務員烤塊pancake烤得耐左,反而意外哋令塊薄餅勁脆,呢個口感仲正。

麵包
36 views
0 likes
0 comments

麵包係Haagen Dazs 雪糕隔離,有蒜蓉法式麵包,軟牛奶麵包,意大利香草和芝士麵包,德國鹹麵包,迷你法式麵包,酸麵團麵包,法式長條麵包。芝士有幾款,自己切。

生果
26 views
0 likes
0 comments

生果分好一杯杯,主要係菠蘿,西瓜同哈蜜瓜。之後見到少有既雜果加黑莓,係限量架!



每人包一杯餐茶,唔可以轉果汁。




總括而言,一排冇黎呢度食自助午餐,感覺選擇少左好多,名貴野食完全冇,值得encore嘅熱食同刺身都冇乜,普通西式食物遜色,炸物令人失望。所以今次都唔算人多,好少要排隊。好在仲有我最愛嘅雪糕同pancake,甜品黎講都夠食,只係選擇少。值得一提係服務好左好多,上次舊年十月黎食自助晚餐服務勁差,今次好似換哂人,大部分服務員會同你有傾有講,食得好開心。枱同枱之間距離夠,坐得舒服。


比較近排食過既九龍香格里拉Cafe Kool同隔離港麗酒店Garden Cafe自助午餐,呢度絕對多野同好食過Garden Cafe!不過個人覺得Cafe Kool性價比高好多,所以勁多人。

是日星期六每位成人收$528 +10%,$1000酒店消費額係唔夠要補錢,不過登記左入住既小朋友係免費,即刻抵好多。平心而論,如果以呢個正價價錢黎講,就只能勉勉强强俾OK啦。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-05-29
Dining Method
Dine In
Spending Per Head
$581 (Lunch)
Recommended Dishes
沙律吧
沙律
點心
金銀寸鮮魷蒸茄子,叉燒,燒鴨,羅漢齌豆腐,蜜汁醬燒豬肋骨
西式區
專人即切烤牛肉同烤羊脾
燒牛肉,燒羊脾,京式干燒魚片,金銀寸鮮魷蒸茄子,蜜汁醬燒豬肋骨
甜品區
芝士餅,梛子芒果,楓糖黑加侖子,荔枝紅桑子,黑朱古力車厘子,白朱古力紅莓,Cheese Tart,白朱古力青蘋果
甜品區
甜品區
甜品區
Haagen Dazs 雪糕
Pancake
生果