Video
Read full review
2023-07-13
27 views
雖然我我同老公唔係潮洲人（架己冷 XD），但係同樣鍾意食潮洲菜！知道新浦崗潮州菜名店「陳儀興」喺鰂魚涌開咗間「陳儀興尚潮樓」，於是決定星期五晚去試吓！一坐低，服務生就會送上功夫茶同醃菜，我記得功夫茶係潮洲的飲食文化，入口茶味帶甘，唔錯！佢本menu 都好多野揀，當然唔少得潮洲滷水、手工菜同海鮮！同埋我都係第一次見到唔同既潮洲飲品，但今次我地飲茶都OK, 留返下次試 XD老公鍾意食魚，見到有「凍大眼雞」，問咗服務生幾多錢，佢話$398，我地覺得都Ok，所以叫咗。嚟到都好大碟，會跟埋普寧豆醬，份量係3-4個人，佢口感都嫩滑，加埋豆醬好滋味！老公本身話想食蠔烙，但我話平時少D見到「水瓜烙」，於是又叫嚟試吓！水瓜有D似翠肉瓜，但再爽身D，入面亦有D黃豆粒，估唔到咁夾，推薦！平時返工好少煲湯，服務生食我地諗緊揀咩湯，就推介咗「二十年老菜脯燉鮮豬肚」畀我地，話係佢地既招牌！我就叫咗一碗試吓，佢既菜脯係黑色，味道幾濃，估唔到用嚟燉鮮豬肚都幾好味！老公見我飲湯飲得咁開心，佢又話想叫碗潮州白粥嚟試吓！佢話個粥好綿，米味好香！最後埋單人均$350左右，個人覺得呢個環境、地段，加上佢既菜式都比較少有。如果同
知道新浦崗潮州菜名店「陳儀興」喺鰂魚涌開咗間「陳儀興尚潮樓」，於是決定星期五晚去試吓！
一坐低，服務生就會送上功夫茶同醃菜，我記得功夫茶係潮洲的飲食文化，入口茶味帶甘，唔錯！
佢本menu 都好多野揀，當然唔少得潮洲滷水、手工菜同海鮮！同埋我都係第一次見到唔同既潮洲飲品，但今次我地飲茶都OK, 留返下次試 XD
老公鍾意食魚，見到有「凍大眼雞」，問咗服務生幾多錢，佢話$398，我地覺得都Ok，所以叫咗。嚟到都好大碟，會跟埋普寧豆醬，份量係3-4個人，佢口感都嫩滑，加埋豆醬好滋味！
老公本身話想食蠔烙，但我話平時少D見到「水瓜烙」，於是又叫嚟試吓！水瓜有D似翠肉瓜，但再爽身D，入面亦有D黃豆粒，估唔到咁夾，推薦！
平時返工好少煲湯，服務生食我地諗緊揀咩湯，就推介咗「二十年老菜脯燉鮮豬肚」畀我地，話係佢地既招牌！我就叫咗一碗試吓，佢既菜脯係黑色，味道幾濃，估唔到用嚟燉鮮豬肚都幾好味！
老公見我飲湯飲得咁開心，佢又話想叫碗潮州白粥嚟試吓！佢話個粥好綿，米味好香！
最後埋單人均$350左右，個人覺得呢個環境、地段，加上佢既菜式都比較少有。如果同家人聚餐做節，都會再訪！
Post
