喺香港都可以食到好味的湘菜😍「辣湘湘 小炒湖南菜」香港本土企業，以地道湖南食材為主打，結合香港本地人飲食口味，菜品選擇豐富，辣度自由選擇，有辣有唔辣，今日去到餐廳已經好多食客，仲有人係門口排隊，怪唔之得成為最受香港本地人喜歡的湘菜🙌🏻
餐廳主張使用新鮮好食材、現點現炒、猛火爆炒、有鑊氣，出餐又快，好食唔貴，唔使去湖南都食到性價比高的小炒湖南菜！
⚇凉拌花甲
花甲飽滿冇沙，醬汁辣中微酸，特別開胃呀！
⚇膠原脆皮猪手
脆皮猪手真係好正呀😍皮脆但入面好淋，重點唔油，滿滿的骨膠原，再配上洋蔥蔥花等配料一齊食，鹹香惹味，必食！
⚇18秒爆炒雪花肥牛
好惹味，好有鑊氣，送飯一流！一頭牛得三斤刁鑽雪花部位，肉質超軟嫩，又有牛味😋
⚇湘味酸菜魚
好大碟呀！魚肉大件又嫩滑，重點唔粉，即係新鮮啦，配菜一定唔少得酸菜啦😂仲有粉絲，吸曬啲汁，酸中帶辣，開胃又下飯～
⚇火爆紫蘇牛蛙
牛蛙走油配上紫蘇葉、韭菜花爆炒，口感更好，好香口。
⚇麻花糍粑
鐘意煙煙韌韌的感覺，一定唔好錯過呢個麻花糍粑，外酥內裏煙韌，重點唔油膩，再配上紅糖漿，超好食😋
🍉西瓜檸檬茶
真材實料，真係用新鮮西瓜配上檸檬茶，原來係咁夾，清新又好飲，又解辣，仲有一大件西瓜！
🍋鴨屎香檸檬茶
超大杯呀，食辣嘢，一定要叫，正！
全部菜式都係點咗小辣，好夠味，真係好有鑊氣，辣度同平時食開嘅小辣差唔多，可按自己口味去選擇～
旺角分店位置方便，招牌醒目，好容易揾到，服務好貼心，落雨免費送雨遮，唔使驚落雨出去食飯冇遮返去啦😂
