Ying Dining

今日同女朋友去咗間新潮中式酒樓食飯，間嘢裝修幾靚㗎😍，地方又開揚又光鮮，枱同枱之間嘅距離都好闊落，唔會覺得逼。我哋揀咗張圓枱，方便share啲餸。 餐廳用湖水綠做主色調，襯埋木紋牆面，感覺好舒服😌。燈光都好有層次，黃白光相間，夜晚嚟特別溫馨。入口個玻璃拱格設計幾特別，一眼就認到。側邊仲有個特巨型魚缸，入面啲海鮮生猛到彈彈吓，啱晒打卡📸！

清蒸大閘蟹 🐽🐽🐽🐽
嘩，一打開個蟹蓋，啲蟹膏金黃到不得了✨！蟹肉鮮甜，啖啖肉，蒸嘅時間啱啱好，唔會太老。不過如果可以再多啲蟹膏就perfect池啦！

冰鎮咕嚕肉 🐽🐽🐽
個咕嚕肉一上枱，啲冰鎮嘅煙飄晒出嚟，幾有噱頭！🧊 外皮炸得好脆，入面嘅肉都幾嫩，酸酸甜甜嘅醬汁好開胃。但係可能因為冰鎮嘅關係，放耐咗會冇咁脆，要快啲食先得。

招牌花膠小炒皇 🐽🐽🐽🐽🐽
呢個小炒皇真係名不虛傳！👍 花膠爽口彈牙，腰果夠香脆，韭菜花又夠爽甜，蝦乾同銀魚仔就帶出咗海鮮嘅鹹香味，花生又增添咗口感。成碟嘢炒得夠鑊氣，味道層次豐富，正！😋
今晚呢餐飯都幾滿意嘅。間餐廳環境舒服，嘢食質素都唔錯👍。雖然價錢唔算平，但係間唔中嚟嘆吓都OK嘅。下次可以試吓佢哋其他招牌菜，希望一樣咁好食啦！🤤