新仙清湯腩 (Closed)

之前黎幾次都係食招牌清湯腩，今次就搞搞新意思試下炸醬麵，一上枱見到金黄色嘅肉醬淋喺竹升麵上面，已經令人口水猛流！以前食慣左川味炸醬麵嘅麻辣、京式炸醬麵嘅濃郁，呢度嘅炸醬麵就比到我好大驚喜~單睇色澤已經令人食慾大增，用新鮮鴨蛋同面麵整成嘅竹升麵一食就知與別不同，充滿蛋香味道，咬落爽口彈牙；而加入左黄豆醬同蕃茄醬嘅炸醬辣中帶甜，甜中又食到微辣，風味獨特，好正！！！再飲一啖豬潤牛肉湯，湯頭好鮮，清清甜甜，細問員工，佢話係用左大量牛骨同藥材熬製而成，唔怪得咁好味。湯嘅香味令豬潤嘅嫩滑同牛肉嘅爽口更突出，真係食唔停，連湯都比我飲精光luuuuuuuu~