Flames (鴻圖道)

Open Now

Now Closed

依排又同朋友去咗觀塘鴻圖道嘅「Flames」食晚飯，傾下偈食下嘢好寫意。*此餐廳收取加一服務費。蟹肉巴馬臣芝士蕃茄忌廉汁通粉（單點$158），表面鋪有香草，蟹肉食落有鮮甜，略嫌份量比較少，長通粉口感軟硬適中，容易掛汁，巴馬臣芝士番茄忌廉汁，口感Creamy，芝士味道濃郁，番茄醬味道酸甜，令到忌廉汁食落不容易感覺膩。香煎北海道帶子沙律（單點$148），帶子經過香煎之後，表面味道鹹甜，肉質帶有一絲絲口感，味道鮮甜，沙律菜包括有生菜、豆苗、紅毛生菜、苦菊、桑莓、藍莓，配以橄欖油食用，味道清爽。自家製甜品（單點$78），白朱古力慕絲蛋糕，Mousse口感細滑，味道香甜，配料包括有草莓、桑莓、藍莓、草莓果醬。Pandan De Coco（單點$68），採式班蘭糖漿、椰奶、檸檬汁、礦泉水製作，味道酸甜，椰子味道清甜，略嫌班蘭味道偏淡。