泰潮 (Closed)

每次嚟深水埗都係嚟呢條街搵食，大部份都試過下，話晒都叫做米芝蓮推介咪試吓囉！朋友點咗 Signature 海南雞飯，呢個係招牌菜一定無死。例牌係配黃油飯，朋友表示雞肉相當嫩滑，但係配菜嘅酸青瓜好辣呀！我就叫咗青咖哩豬頸肉飯就比咗個紅咖喱雞飯（我見有啲趕時間就由得佢喇）。好彩都總算唔錯，仲有配埋好多蔬菜。有湯水之餘（味道就幾鹹下，本人覺得太重口味），估唔到午餐仲有飲品送。紙包飲品叫咗荔枝味果汁，點知又嚟錯咗巨峰提子果汁。今日第二次嚟錯嘢啦，不過佢係有禮貌嘅，笑住咁幫我換返啲嘢。