6
4
3
Level4
我Bookmark咗呢間「味Delicious Cafe Restaurant」餐廳好耐,但一直都搵唔到人同我食。復活節過後,朋友未使返工,特意嚟到深水埗搵我食晏,於是我就脅持咗佢陪我做勇士去試下🙈。餐廳門口帶有份神秘感,唔係好睇到入面,但門口放咗兩張餐枱。一入到去感覺好似K房加酒吧,頹頹嗰種,仲有啲噏耷咁...,心諗唔通真係中伏😅。但肉隨砧板上,無謂唔食起身走啦。不過餐廳嘅枱櫈異常大張,即刻想叫多樣嘢食。餐廳有做午市套餐,食物同飲品選擇勁多,一時三刻真係幾難揀。除咗揀豬/牛/羊/雞/魚/漢堡之外,一款肉都有得揀唔同來源地同煮法,對於選擇困難症嘅人嚟講會好苦惱🤪。另外,仲要揀嘅項目包括醬汁(十揀一)同配飯/意粉/焗薯/雜菜沙律😂。首先,打響頭炮嘅係焗蒜蓉餐包加餐湯,佢用個木盤上成個感覺即刻覺得Decent咗😙。兩款餐湯我哋都試哂,味道正正常常,無咩特別;羅宋湯比較稀身,但唔淡味的,仲幾多蔬菜🥕,而忌廉湯就比較杰身,粟米亦都多。至於個蒜蓉包竟然非常有驚喜,連平日唔食餐包🥖嘅我都成嚿食哂。蒜蓉包烤到外脆內軟,兩邊塗滿咗滿滿嘅蒜蓉,加上麵包本身甜甜地,好惹味🤤。午市跟餐配熱飲,凍飲加$3,特
Read full review
44 views
0 likes
0 comments
我Bookmark咗呢間「味Delicious Cafe Restaurant」餐廳好耐,但一直都搵唔到人同我食。復活節過後,朋友未使返工,特意嚟到深水埗搵我食晏,於是我就脅持咗佢陪我做勇士去試下🙈。
45 views
0 likes
0 comments
餐廳門口帶有份神秘感,唔係好睇到入面,但門口放咗兩張餐枱。一入到去感覺好似K房加酒吧,頹頹嗰種,仲有啲噏耷咁...,心諗唔通真係中伏😅。但肉隨砧板上,無謂唔食起身走啦。不過餐廳嘅枱櫈異常大張,即刻想叫多樣嘢食。
137 views
0 likes
0 comments
餐廳有做午市套餐,食物同飲品選擇勁多,一時三刻真係幾難揀。除咗揀豬/牛/羊/雞/魚/漢堡之外,一款肉都有得揀唔同來源地同煮法,對於選擇困難症嘅人嚟講會好苦惱🤪。另外,仲要揀嘅項目包括醬汁(十揀一)同配飯/意粉/焗薯/雜菜沙律😂。
43 views
0 likes
0 comments
首先,打響頭炮嘅係焗蒜蓉餐包加餐湯,佢用個木盤上成個感覺即刻覺得Decent咗😙。兩款餐湯我哋都試哂,味道正正常常,無咩特別;羅宋湯比較稀身,但唔淡味的,仲幾多蔬菜🥕,而忌廉湯就比較杰身,粟米亦都多。至於個蒜蓉包竟然非常有驚喜,連平日唔食餐包🥖嘅我都成嚿食哂。蒜蓉包烤到外脆內軟,兩邊塗滿咗滿滿嘅蒜蓉,加上麵包本身甜甜地,好惹味🤤。
37 views
1 likes
0 comments
午市跟餐配熱飲,凍飲加$3,特飲就加$8-$15不等。我要咗熱朱古力🍫,朋友就要咗熱即磨咖啡☕️。兩杯都勁大杯,特別係粉紅色杯嘅朱古力,大到成個兜咁,朋友飲開齋啡,所以我將佢嗰杯仔奶落咗去朱古力到,變成朱古力奶,更加好飲。朋友個咖啡杯就好靚,有大大朵花花🌼。
36 views
0 likes
0 comments
主菜出場喇,我哋叫咗一份牛扒同一份豬扒。本身唔知份量幾多,一開始仲想嗌埋芝士焗肉醬意粉,但好彩佢嘅肉醬賣哂,就放棄咗,否則為食嘅我哋都一定食唔哂😑。唔單止隻碟大,連塊扒都有我塊麵咁大!
香煎紐西蘭西冷牛扒
$68
40 views
0 likes
0 comments
香煎紐西蘭西冷牛扒🥩($68),配黑椒汁焗薯。上菜後發現餐廳將兩塊扒嘅汁調轉咗,不過都無乜所謂,因為係分開上的,而且唔夠的話,仲可以拎過一兜。黑椒汁味道麻麻,本身諗住同牛扒會夾。
36 views
0 likes
0 comments
咁嘅價錢我無期望過塊西冷牛扒🐮會有幾高質素,預計都係同茶餐廳差唔多,因為餐廳亦都無問我哋要幾成熟。不過出到嚟我覺得都算唔錯,無論味道、肉質及脂肪分佈都對得住個價錢,唔係雪到無嚟肉味嗰種,都有啲牛味,又唔韌。
Delicious吉列豬扒
$52
40 views
0 likes
0 comments
Delicious吉列豬扒($52),配蜜糖芥茉醬焗薯。朋友好抗拒食炸嘢,我話包底佢先肯食😠,實物出到來又係勁大塊,炸到金黃色,無乜點燶,炸皮同肉無明顯分開。
34 views
0 likes
0 comments
吉列豬扒🐷味道OK,不過點埋個🍯蜜糖芥茉醬就完全食到停唔到口,個醬超級好食呀,甜甜地配炸物食一流😋。另外,跟餐有得叫焗薯真係好難得,因為好多地方都係以薯條代替。🥔焗薯用錫紙包住,簡單配上蛋黃沙律醬食已經好正,只要你出聲,連呢個醬都有得追加。但伴碟嘅雜菜就麻麻,因為係凍的。
103 views
0 likes
0 comments
估唔到由我哋落單去到食完塊扒,都搞咗成個幾鐘🤣🤣🤣。不過的確等咗陣先有嘢食,而食物嘅份量又好多,要食好耐。午餐配有精選甜品,本身以為係咁咦得個布甸或者啫喱,點知有成七款揀!!!傻的嗎?仲要款款我都想食。
伯爵茶果凍配淡奶
50 views
0 likes
0 comments
最終我哋要咗(6)伯爵茶果凍配淡奶同(7)桂花牛奶布甸,個樣就普普通通,無乜賣相可言,但同樣係臥虎藏龍。🌿伯爵茶果凍口感極佳,完全可以用「動L」般來形容,而且茶味幾清香。至於🥛桂花牛奶布甸,桂花味係融入咗喺布甸入面,而唔係額外一層糖漿。整體係幾好食,但我就覺得桂花味唔算出,相反朋友就話幾明顯。
47 views
0 likes
0 comments
服務方面,我要幫餐廳平反一下,見有幾個食評都話幾差。但我呢次體驗又唔係喎,主要係得個後生男仔負責樓面,佢講嘢係幾大聲,但好好禮貌、好盡責😊,仲有求必應,加上佢咁忙都會不停主動收碟。由於政府規定,座位需要減半,所以餐廳確係有要求食客要坐埋一邊,甚至搭枱,但都無可厚非,佢都唔想。
32 views
0 likes
0 comments
總括嚟講,我會話佢係一間位於深水埗區性價比極高卻毫不起眼嘅西餐廳😋,因為我好多同事都無食過,再加上個位置後咗兩條街,曝光率就爭好遠。午餐價錢平均$5x-$6x,就咁睇屬合理水平,但食完之後你會發現係超值,因為套餐包哂麵包、湯、主食、飲品同甜品,仲要每樣都誠意十足,💯滿分推介。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-04-14
Dining Method
Dine In
Spending Per Head
$60 (Lunch)
Recommended Dishes
香煎紐西蘭西冷牛扒
$ 68
Delicious吉列豬扒
$ 52
伯爵茶果凍配淡奶
  • 蜜糖芥茉醬
  • 焗薯