坐擁咖央西多士同豬潤麵兩大名物既維記好難唔成為目標☺️
係黃金廣場外分手，就係維記門外再聚，等等，三個門口，邊個先知你回來, 你不回來？👀
不過小弟儘管天塌下來，求其搵間條龍最短既排咗陣入去坐✋ 揀咗中間個舖, 大大話話都坐到40人😮
1
其實去親呢啲排隊舖，都好大壓力要快啲叫嘢唔好霸枱🥴 揀咗咖央多同埋肉丁牛麵🐷🐮
咖央多佢唔係對半開⚔️係會分到有大有細, 情侶💑分黎食就要小心☠️ 港人習慣見西多就加糖漿🍯 但我錯了😂 維記一啲都唔姑寒☺️ 將啲愛心同咖央塞滿咗麵包🥯入面✌🏻 佢既自製咖央較其他人既粗粒少少🦷 無咁順滑👅 但亦無其他人咁人造甜味； 麵包處理過💪 鬆泡泡咁夾住咖央🥪 咬穿蓬鬆包包再掂到密密咖央係唔錯
至於肉丁牛麵🐷🐮 上枱時同豬潤麵一樣 係有批浮泡係面 因為佢係生牛肉落水焯熟而成，第一次見都倒胃口🤢 亦都係唔食豬都潤麵既主因🤐 肉丁既油係湯麵最佳損友, 乜湯底都好，都會搶晒你風頭🤭 而牛肉呢，老實講太老😨整體碗麵只係👌🏻 為個麵而黎應該會失望（當然我無食豬潤麵 就唔知嗽🤗
最後杯凍啡都係合格吖, 一條友三樣嘢70左右, 價錢貼番深水埗街坊價🤫
