金裝燉奶佬餐廳 (大圍道) (Closed)

黑椒雞扒飯可以話係我嘅最愛，基本上每一次經過我都會買。而所有碟頭飯都熱愛加煎蛋，因為我鍾意佢嘅黑椒汁，比較濃烈。雖然會被蓋過雞扒嘅味道，但係用嚟送飯一流，味道的確一絕。雞扒肉質來講，我個人認為好有口感，而且唔會太老。而且配埋老火湯，配搭都算唔錯，算是老火湯應該都係用味精溝出嚟，但係尚算來講都唔錯，如果你哋係唔鍾意味精湯嘅話咁就唔好叫。因為會越飲越頸渴。兩隻煎蛋其實都太過火，個人鍾意有蛋黃流出來，但係中間太熟蛋黃已經凝固，所以就冇呢個效果。而且店舖都係即叫即整，等待時間就比較長，應該大約用咗10分鐘左右，我嘅外賣先拎到。不過都算抵食嘅，因為如果而家買兩個餐外賣都係$88尚算係可以嘅。