OTETSU

今次喺銅鑼灣搵到一間鐵板燒餐廳，最吸引當然係佢哋個海陸套餐，好適合約埋朋友、一家人過嚟慢慢嘆個海陸套餐。坐低一陣，侍應就端嚟頭盤，用日式沙律配薯仔，啖啖清新，食落啖啖都帶住少少和風嘅配搭，開胃得嚟又唔會太重口味。

5

銀鱈魚用鐵板燒慢慢煎得剛好，魚肉滑溜之餘入口仲有淡淡嘅油香，感覺細膩。其實餐廳仲可以加錢揀咗龍蝦，龍蝦即開即煎，肉質超彈牙，咬落去啖啖肉，龍蝦肉配上自家醬，啲幸福感靜靜地湧上嚟。

另外，南非鮑魚煮得啱啱好，食落去彈牙；之後仲有昆布蜆湯，落咗昆布同龍蝦頭提鮮，飲完暖笠笠。

主菜方面升級咗和牛厚切，果件牛肉真係好夠肉味，師傅煎到外層微微焦香，肉汁收得好靚，咬落去仲有啲爆汁嘅感覺，配埋鵝肝，好有大餐氛圍。

尾聲用埋櫻花蝦炒飯，炒到粒粒分明，成碗都透住啲海鮮香氣，好適合用嚟收尾。甜品就簡單一啲，一個抹茶雪糕碟上寫上生日字句及圖案，食物嘅細節位都感受到師傅嘅心思，十分欣賞餐廳嗰份用心。