桃園潮州粥麵 (Closed)

有同事忽然口痕想食野，煎釀三寶、燒賣等又食到厭，尋日至食完九記的淨腩，諗起呢度的牛什都唔錯，就叫了這裡的外賣。本來佢想叫淨牛腩，但及時被我們制止，剛剛食七九記，中環仲有邊度會好得過？要了淨牛什，多腸少肚，送來又真的做到有七成都係腸。牛腸又豬腸都肥美，炆得又入味，好正。其中以粉腸最好食，最受歡迎而份量亦係最少，我拮左一舊已經吃不到第二舊；墊底的酸菜亦不能錯過，剛好中和了牛什的膩口感覺。又叫了紫菜淨魚餃，魚餃味道是不錯，但比起結志街的新景記是略遜。再加一個炸魚皮，魚皮無油益味，卜卜脆都唔錯。但比起吉士笠街水記又差些少，水記的魚皮除了皮，還有魚骨，豐富好多。可惜水記魚皮太受歡迎，長期不設單走。仲有一盒蒸粉粿及糯米包各三隻，味道麻麻，應該是別處交來而不是自家製。仲有五杯豆漿，埋單唔使一百蚊，作為下午茶大家都食得幾開心。外賣要三十蚊過外至送，請留意。