愛上米線 (波斯富街) (Closed)

平時都有食下午茶嘅習慣, 愛上米線下午茶時段嘅套餐和小食都幾有新意, 佢嘅下午茶組合有炸雞同埋鹵水小食, 食吓米線小食, 嘆吓啤酒, 又係幾消間嘅選擇。當然少不了米線, 至尊大大碗麻辣湯米線配料非常多, 有炸豬扒, 滷水雞翼, 金菇菜, 鵪鶉蛋和貢丸, 咁大堆頭真係一碗都足夠。happy hour組合選了鹵水大腸和鹵水牛展, 大腸肉厚軟滑, 處理得幾乾淨, 牛展爽脆有嚼口, 鹵水夠入味。配埋嘉士伯罐裝啤酒, 啤酒加小食幾時都係最佳配搭。小食都有幾多清新選擇, 辣醋手拍青瓜夠脆口, 酸辣又醒胃。手工話梅小番茄食落幾盞鬼, 蕃茄和話梅幾相配, 酸酸甜甜幾滋味。